Farg‘ona tumanida kambag‘allikni qisqartirish bo‘yicha amaliy ishlar olib borilmoqda
2025-09-04 18:10:00 / Yangiliklar
Farg‘ona tumani prokuraturasi tomonidan O‘zbekiston Respublikasi Prezidentining 2024-yil 23-sentabrdagi “Kambag‘allikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risida”gi 330-sonli Qarori ijrosi ustidan doimiy nazorat o‘rnatilgan.
Shu doirada, 2025-yilning ikkinchi yarim yilligida tuman prokurori O. M. Toshpulatovga biriktirilgan Xosilot mahallasida yashovchi 3 ta kambag‘al oilaning yashash sharoiti, oilaviy ahvoli, bandlik holati va xonadon infratuzilmasi individual tartibda o‘rganildi.
O‘rganishlar natijasida oilalarni kambag‘allikdan chiqarishga qaratilgan qator choralar belgilandi.
Jumladan: oilaviy tadbirkorlikni rivojlantirish,tomorqa maydonlaridan samarali foydalanish, farzandlarni maktabdan tashqari fan va sport to‘garaklariga keng jalb etish,
sifatli ijtimoiy va tibbiy xizmatlar ko‘rsatishni tashkil etish rejalashtirildi.
Mazkur chora-tadbirlarning amalga oshirilishi nafaqat oilalarning kundalik turmushini yaxshilash, balki ularning uzoq muddatli farovonligiga ham xizmat qiladi.