Sessiyada marosimlarni tartibga solish va hokim yordamchilari faoliyati muhokama qilindi
2025-08-22 15:30:00 / Yangiliklar
O‘sha kunning sessiyasi doirasida “To‘ylar, oilaviy tantanalar, ma’raka va marosimlar o‘tkazilishini tartibga solish tizimini yanada takomillashtirish to‘g‘risida”gi masala ko‘rib chiqildi. Mazkur masala keng jamoatchilik muhokamasiga chiqarish yuzasidan qaror qabul qilindi.
Navbatdagi masalalardan biri sifatida "Satkak", "Yangi yo‘l", "Xonqiz", "Sharq haqiqati", "Xo‘ja Axmad Vale", "Marg‘ilon" va "Gulpiyon" mahallalarida faoliyat yuritayotgan hokim yordamchilarining ish tajribalari muhokama qilindi. Ularning fuqarolarni ish bilan ta’minlash, yangi ish o‘rinlari yaratish, ijtimoiy himoyaga muhtoj aholi qatlamlarini qo‘llab-quvvatlash, hududga investitsiya jalb etish va muammoli kreditlarni qaytarish kabi yo‘nalishlarda amalga oshirgan ishlari tahlil etildi.
Muhokamalar chog‘ida mavjud kamchiliklar ko‘rsatib o‘tilib, kelgusida samaradorlikni oshirish bo‘yicha tegishli tavsiyalar berildi. Sessiya yakunida kun tartibiga kiritilgan barcha masalalar yuzasidan qarorlar qabul qilindi.