Yoshlar bandligi va sog‘lom turmush tarzi yo‘lida navbatdagi tashabbus
2025-07-30 13:00:00 / Yangiliklar
Fargʻona tumani 24-umumiy oʻrta taʼlim maktabida “Dolzarb 90 kun” tadbiri doirasida yoshlar ishtirokida bir qator sog‘lomlashtirish va ijodiy faoliyatlar amalga oshirildi.
Ertalabki badantarbiya mashqlari bilan boshlangan tadbirlar davomida o‘quvchilarning sportga bo‘lgan qiziqishini oshirish maqsadida voleybol musobaqasi o‘tkazildi. Musobaqa do‘stona va faol muhitda o‘tib, yoshlar orasida sog‘lom raqobat kayfiyatini shakllantirdi.
Shuningdek, o‘quvchilarning yozgi taʼtil davrini mazmunli tashkil etish, ularning ijodiy va intellektual salohiyatini rivojlantirish maqsadida “Tikuvchilik” va “Mental arifmetika” to‘garaklari faoliyat olib bordi.
Mazkur tadbirlar yosh avlodni jismonan sog‘lom, aqlan yetuk etib voyaga yetkazish, bo‘sh vaqtlarini samarali tashkil etish borasida muhim ahamiyat kasb etmoqda.