"Boʻston" mahallasida Xalqlar do‘stligi kuni bayrami oʻtkazildi
2025-07-28 18:00:00 / Yangiliklar
Fargʻona tumani “Boʻston” mahalla fuqarolar yigʻini hududida “Xalqlar do‘stligi” kuni munosabati bilan tantanali bayram tadbiri tashkil etildi.
Bayramda mahalla faollari, faxriylar, yoshlar hamda turli millat vakillari faol ishtirok etdi. Tadbir dasturida milliy kuy-qoʻshiqlar, folklor jamoalarning jonli chiqishlari, bolajonlar ishtirokidagi sahna ko‘rinishlari, madaniy va koʻngilochar dasturlar namoyish etildi.
Tadbir yakunida ishtirokchilarga kitoblar sovgʻa qilindi, bolalar va kattalar uchun qiziqarli oʻyinlar tashkil etildi. Tantanali bayram do‘stlik, ahillik va bag‘rikenglik ruhida yuqori kayfiyatda oʻtdi.