Farg‘ona tumani hokimligi

Farg‘ona tumani chegarasida joylashgan “Kaptarxona” mahalla fuqarolar yig‘inida 658 ta oilada 2018 nafar aholi istiqomat qiladi. Mahallaning asosiy drayveri bog‘dorchilik va dehqonchilik hisoblanadi.

Ta‘kidlash o‘rinliki, so‘nggi yillarda “Mahalla ettiligi” va mahalla faollarining o‘zaro hamjihatligi tufayli hududda ko‘plab ijobiy o‘zgarishlar amalga oshirildi.

Bu boradagi izchil sa‘y-harakatlar samarasi natijasida yaqinda davlat-xususiy sheriklik tamoyili asosida “mahalla ettiligi” uchun 3 qavatli yangi bino qurib bitkazildi. Shu tariqa zamonaviy sharoitlarga ega binoda barcha qulayliklar muhayyo etildi. Bu esa aholiga namunaviy xizmat ko‘rsatish hamda muammolarni tez hal etishda muhim omil bo‘lmoqda.

– Davlatimiz rahbarining mahallaga e‘tibori, xalq bilan yaqin muloqotga asoslangan islohotlari barcha yutuqlarimizning amaliy samarasidir, – deydi mahalla raisi Sarvarbek Yoqubjonov. – Yangi bino, yaxshilangan sharoit va ijtimoiy dasturlar xalqimizning hayotini engillashtirishga xizmat qilmoqda. Buning uchun “mahalla ettiligi” mas‘uliyatni jiddiy his etgan holda ishlamoqda. Eng asosiysi, mahalladoshlarimizning faolligi va birdamligi tufayli bunday yuksak natijalarga erishilyapti.

Mahalla yoshlari azaldan turli sport yo‘nalishlarida faol ishtirok etib, nafaqat viloyat, balki respublika bosqichlarida ham faxrli o‘rinlarni egallab kelmoqda. Bu yutuqlar yoshlarning sog‘lom turmush tarziga intilishi va faol fuqarolik pozisiyasini shakllantirishda muhim o‘rin tutadi.

Ayni paytda mahallada infratuzilma xizmatlari sifati ham bosqichma-bosqich yaxshilanmoqda. Hududda ichimlik suvi ta‘minoti 100 foizga etkazildi. O‘tgan yili 3,2 km ichki yo‘llar asfalьtlanib, nosoz ko‘chalar qolmadi. Shu bilan birga, “Tashabbusli byudjet” loyihasida ikki marta g‘oliblik qo‘lga kiritib, mahalla har jihatdan obodonlashtirildi. Hozirda “Tashabbusli byudjet” loyihasi g‘olibi sifatida 1 mlrd. 800 mln. so‘m mablag‘ evaziga “Kaptarxona” oilaviy shifokorlik punkti uchun qo‘shimcha bino qurish rejasi amalga oshirilmoqda.

Shuningdek, mahallada ijtimoiy himoyaga muhtoj oilalar doimiy e‘tiborda. Xotin-qizlar faoli Muattar Shunqorovaning qayd etishicha, birgina o‘tgan yilning o‘zida “Ayollar daftari”da ro‘yxatda turgan 6 nafar xotin-qizlarga subsidiya asosida tikuv mashinasi ajratilib, muqim daromad manbaiga ega bo‘lishga erishildi.

– Yaqingacha ish izlovchi edim, davlatimizning e‘tibori va rag‘bati tufayli endi ish beruvchi tadbirkorman, – deydi Yulduzoy Yo‘ldosheva. – Bunday ko‘mak bois o‘z xonadonimda kichik sex tashkil etib, 10 nafar ishsiz ayollarni ishga oldim.

O‘z navbatida yaqinda 2 nafar ehtiyojmand oila tomorqasiga issiqxona qurib berildi. “Yoshlar daftari”ga kiritilgan o‘nga yaqin yigit-qizlarning oliy ta‘limdagi o‘qishi uchun kontrakt to‘lovi davlat tomonidan qoplandi. Bunday yoshlarga subsidiya asosida turli asbob-uskunalar ajratilib, bandligi ta‘minlandi.

Sahifani Botir MADIYOROV va Alisher ShOKIROV tayyorladi.