Farg‘ona tumani hokimligi

Farg‘ona tumani Kambag‘allikni qisqartirish va bandlikka ko‘maklashish bo‘limi (keyingi o‘rinlarda Bo‘lim) boshlig‘ining 2026-yil yarim yillik yakunlari bo‘yicha hisoboti hamda ushbu masalani o‘rganish yuzasidan tuzilgan ishchi guruhning ma’lumotnomasi doimiy komissiyada ko‘rib chiqildi.

Qayd etildiki, Hududda aholi bandligini ta’minlash, ularni tadbirkorlikka jalb qilish va daromadlarini oshirish bo‘yicha yangi yondashuvlarni keng joriy qilish, mahallalarda ehtiyojmand aholi qatlami bilan manzilli ishlashni tashkil etish va ijtimoiy xizmatlar ko‘lamini kengaytirish, mavjud resurslar, imtiyozlar va preferensiyalardan foydalanish samaradorligini oshirish orqali yuqori daromadli ish o‘rinlarini yaratish va kambag‘allikni qisqartirish maqsadida tumanda bir qancha ishlar amalga oshirilgan.

Xususan, Bo‘limning ma’lumotiga ko‘ra tumandagi 71 ta mahallada jami 4453 nafar ishsiz fuqarolar (shu jumladan, 2761 nafar xotin-qizlar va 1336 nafar yoshlar) mavjud.

Shuningdek, joriy yilda 63 ta umumta’lim maktabni 2379 nafar o‘quvchilar bitirishi va mehnat bozoriga kirib kelishi kutilmoqda, harbiy xizmatdan qaytadiganlar esa 170 nafarni va migratsiyadan qaytib kelishi kutilayotganlar 3001 nafarni tashkil etmoqda.

Tuman hokimligi tomonidan mutasaddi tashkilotlar bilan birgalikda jami 37 135 nafar ishsiz aholining bandligini ta’minlash bo‘yicha mahallalar kesimida alohida dasturlar ishlab chiqildi.

Ayni paytda, 6 ta mahallada hududni ishsizlikdan holi hududga aylantirish choralari ko‘rilmoqda.

Bo‘lim tomonidan O‘zbekiston Respublikasining Mehnat kodeksi talablari (bajarilayotganligi yoki bajarilmayotganligi xususan, davlat idoralari, korxona va tashkilotlari tomonidan mehnat qonunchiligiga rioya etilayotganligi shu jumladan sayyor qabullarda, xalq deputatlari viloyat, tuman (shahar) Kengashlariga kelib tushayotgan murojaatlar hamda ijtimoiy tarmoqlarda fuqarolar tomonidan bildirilgan fikrlar);

O‘zbekiston Respublikasi “Aholi bandligi to‘g‘risida”gi qonunga asosan bo‘lim tomonidan ishsiz hamda ish qidiruvchi fuqarolarga ko‘rsatilgan xizmatlar bo‘yicha 2026-yil yanvar-iyun oylari davomida 307 nafar fuqaroni ishga joylashtirish rejalashtirilgan bo‘lib, amalda 312 nafar fuqaro doimiy ishga joylashtirilgan , shundan 165 nafar ayollarni, 94 nafar yoshlar ekanligi aniqlandi yoki 101%ga bajarildi.

 Tumanda Kambag‘allikni qisqartirish va bandlik bo‘limi hamda nodavlat ta’lim muassasalari tomonidan joriy yilning 6 oyi davomida jami 350 nafar fuqarolar (shundan 270 nafari ayollar, 78 nafari yoshlar) mehnat bozorida talab yuqori bo‘lgan zamonaviy kasb xunarga o‘qitish ishlari amalga oshirilmoqda, shundan 181 nafar fuqarolar kasb-hunarga o‘qitish jarayonlari yakunlandi hamda 133 nafar fuqarolarning bandligini ta’minlashga, shu bilan birga ishga joylshganlar (YaMMT) 41 nafar, 91 nafari o‘zini o‘zi band qilish orqali hamda 1 nafarini YaTT tashkil etgan holda bandligi ta’minlashga erishildi.

Farg‘ona tumani bo‘yicha 117 ta korxona va tashkilotlarda jami 871 ta ish o‘rinlari ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun band qilib qo‘yilgan (kvota)langan.

Toifalar bo‘yicha tahlil qilinganda:

Nogironligi bo‘lgan shaxslar uchun 374 ta ish o‘rinlari zahira qilib qo‘yilgan, amalda 108 nafar fuqaroni bandligi ta’minlangan.

Oilaviy (maishiy) zo‘ravonlikdan jabrlangan shaxslar uchun
83 ta ish o‘rinlari zahira qilib qo‘yilgan.

Kambag‘al oilalar reestridagi oilalarning a’zolari uchun 211 ta ish o‘rinlari zahira qilib qo‘yilgan, amalda 392 nafar fuqaroni bandligi ta’minlangan.

Muqobil joylashtirish shakllarida tarbiyalangan yetim, ota-ona qaramog‘idan mahrum bo‘lgan shaxslar uchun 127 ta ish o‘rinlari zahira qilib qo‘yilgan.

Jazoni ijro etish muassasalaridan ozod qilingan shaxslar uchun 40 ta ish o‘rinlari zahira qilib qo‘yilgan, amalda 2 nafar fuqaroni bandligi ta’minlangan.

Odam savdosidan jabrlangan shaxslar uchun 37 ta ish o‘rni zahira qilib qo‘yilgan.

«Kambag‘allikdan farovonlik sari» dasturi ijrosi bo‘yicha 2026-yil boshida tumanda 3 500 ta kambag‘al oila (14 700 nafar a’zosi) mavjud bo‘lib, kambag‘allik darajasi 6,4 foizni tashkil etgan.

2026-yil 1 iyul holatiga kambag‘al oilalar soni 6 644 tani tashkil etmoqda. Shundan:

davlat ta’minotidagi oilalar – 1 093 ta;

kambag‘allik chegarasidagi oilalar – 566 ta;

kambag‘al oilalar – 1 968 ta.

Yil boshida tasdiqlangan manzilli dasturga muvofiq 1 188 ta oilani (4975 nafar a’zosi) kambag‘allikdan chiqarish rejalashtirilgan.

Buning uchun:

 575 ta oilani doimiy ish bilan ta’minlash;

 524 ta oilaga imtiyozli kredit ajratish;

 263 ta oilaga ssuda va subsidiya berish;

 99 ta oila a’zosini kasb-hunarga o‘qitish;

 181 ta oilani tadbirkorlikka jalb qilish belgilangan.

2026-yil 1 iyul holatiga amalga oshirilgan ishlar natijasida 1 464 ta oila (6 246 nafar a’zosi)ga manzilli moliyaviy ko‘maklar ko‘rsatildi.

Jumladan:

593 nafar fuqaro doimiy ishga joylashtirildi;

112 nafar fuqaroga imtiyozli kredit va subsidiya ajratildi;

882 nafar fuqaro tadbirkorlikka jalb qilindi;

190 nafar fuqaro kasb-hunarga o‘qitildi.

Natijada 548 ta oila kambag‘allikdan chiqarilib, tumanda kambag‘allik darajasi-yil boshiga nisbatan 1,0 foizga qisqarib, 6,4 foizdan 5,4 foizga tushirildi.

O‘zbekiston Respublikasi Prezidentining 2026-yil 5-fevral kungi “2026 yilda xududlarni yangicha yondashuvlar asosida rivojlantirish orqali aholini daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida” PQ-49-sonli qarori qabul qilingan.

Bunda tizim, mutlaqo yangicha “Loyihaviy yondashuv”lar asosida tashkil etiladi. Xususan, 5 344 nafar aholini doimiy ish bilan ta’minlash hamda 4 277 nafar norasmiy ishlovchilarni legallashtirish choralari ko‘riladi (soyadan chiqariladi) va 27 514 nafar aholini daromadi oshiriladi va ishsizlik darajasini 4,2 foizgacha tushirish rejalashtirilgan.

Shundan yanvar-iyun oylarida 18 943 ta reja, amalda 26 914 ta
(6 oylik rejaga nisbatan 142 %) yangi ish o‘rinlari yaratildi. Shundan doimiy ish o‘rinlariga 2 297 ta reja, amalda 2 337 ta (102%), ish o‘rinlarini soyadan chiqarishda 1933 ta reja, amalda 2 406 ta (124%), axolini daromadini oshirishda 14 713 ta reja, amalda 22 171 ta (151%).

Aholini doimiy ish bilan bandligini ta’minlash bo‘yicha yanvar-may oylarida reja 2 297 ta amalda 2 337 ta 102% ;

Shundan yo‘nalishlar kesimida;

Investitsiya loyixalarini ishga tushirish hisobiga – reja 267 ta, amalda 245 ta(92,0%);

Xizmat ko‘rsatish va servis loyihalarini ishga tushirish hisobiga – reja 805 ta, amalda 735 ta (91,0%);

Qishloq xo‘jaligi soxasida – reja 121 ta, amalda 125 ta (103,0 %);

Qurilish sohasida – reja 84 ta, amalda 86 ta (102,0 %);

Bo‘sh ish o‘rinlariga (Bandlik bo‘limi) – reja 307 ta, amalda 310 ta (101,0 %)

Moliyaviy qo‘llab-quvvatlash orqali (Markaziy bank) – reja 713 ta, amalda 836 ta (117,0 %)ta ish o‘rinlari yaratildi.

Ish o‘rinlarini soyadan chiqarish xisobiga reja 1933 ta amalda 2406 ta 124% ;

Shundan yo‘nalishlar kesimida;

Soliq bo‘limi tomonidan – reja 633 ta, amalda 912 ta(144,0%);

Ijtimoiy bo‘lim tomonidan – reja 347 ta, amalda 450 ta (130,0%);

Kambag‘allikni qisqartirish va bandlik bo‘limi tomonidan – reja 344 ta, amalda 353 ta (103,0 %);

Qishloq xo‘jaligi bo‘limi tomonidan – reja 260 ta, amalda 264 ta (102,0 %);

Transport boshqarmasi tomonidan – reja 117 ta, amalda 159 ta (136,0 %)

Qurilish boshqarmasi tomonidan – reja 184 ta, amalda 195 ta (106,0 %)ta ish o‘rinlari yaratildi.

Turizm boshqarmasi tomonidan – reja 48 ta, amalda 73 ta (152,0 %)ta ish o‘rinlari yaratildi

Loyihaviy yondashuv" asosida aholi doromadini oshirish va bandligini ta’minlash bo‘yicha xisobiga reja 14 713 ta amalda 22 171 ta 151% ;

Shundan yo‘nalishlar kesimida;

Iqtisodiyot va moliya bo‘limi tomonidan – reja 2 689 ta, amalda 6 030 ta(224,0%);

Kambag‘allikni qisqartirish va bandlik bo‘limi tomonidan – reja 2 835 ta, amalda 4 448 ta (157,0%);

Tijorat banklari tomonidan – reja 2027 ta, amalda 3654 ta (180,0 %);

Qishloq xo‘jaligi bo‘limi tomonidan – reja 6 779 ta, amalda 7 585 ta (112,0 %);

Ijtimoiy ximoya bo‘limi tomonidan – reja 84 ta, amalda 93 ta (111,0 %)

Oila va xotin-qizlar bo‘limi tomonidan – reja 299 ta, amalda 361 ta (121,0 %)ta ish o‘rinlari yaratildi tegishli mas’ullar tomonidan https://yangiish.mehnat.uz/ Platformasiga joylashtirilgan.

Tuman Davlat mehnat huquq inspeksiyasi xodimi tomonidan jami 93 ta tashkilot va korxonalarda O‘zbekiston Respublikasida belgilab qo‘yilgan mehnat qonunchiligi talablari bajarilishi yuzasidan nazorat tadbirlari o‘tkazilgan bo‘lib, 152 ta qonun buzilish holatlari aniqlangan.

Shundan, berilgan yozma ko‘rsatmalar soni 4 tani, (shundan ayollarga nisbatan 2 ta) kiritilgan taqdimnomalar mavjud emas, jami qo‘llanilgan jarimalar soni 11 ta 45 860 ming so‘mni tashkil etgan.

Shundan 3 ta ayollarga nisbatan qonun buzilishlar uchun
6180 ming so‘mlik jarimalar qo‘llanilgan.

Ish haqi undirib berilgan fuqarolar soni 52 ta bo‘lib, 102880 ming so‘mlik oylik ish haqlari undirilgan.

2026-yil 6 oy davomida bo‘limga kelib tushgan murojaatlar bilan ishlash to‘g‘risida

2026-yil 1-iyul holatiga O‘zbekiston Respublikasi Prezidentining Virtual va Xalq qabulxonalariga 85 ta murojaat kelib tushgan bo‘lib, murojaatlar soni o‘tgan yilning mos davriga nisbatan 72 ta kamaygan.

Ushbu murojaatlarning 76 tasi ko‘rib chiqilgan bo‘lib, ulardan 42 tasi yoki 55 foizi ijobiy hal etilgan, 38 tasi huquqiy ma’lumot berilgan, 5 tasi ko‘rib chiqish jarayonida.

Kelib tushgan 85 ta murojaatlarning 42 tasi O‘zbekiston Respublikasi Prezidentining Ishonch telefoni orqali, 43 tasi Xalq qabulxonasiga orqali kelib tushgan.

Ushbu davr mobaynida aholi tomonidan kelib tushgan murojaatlarda ko‘tarilgan eng ko‘p masalalar quyidagi sohalar hissasiga to‘g‘ri keladi:

Ishga joylashtirish – 28 ta;

Imtiyozli kredit – 20 ta;

Ssuda va subsidiya – 12 ta;

Ishga tiklash va ish xaqi undirish – 25 tadan iboratdir.