“Yoshlar kuni” munosabati bilan ta’lim muassasasidagi tayyorgarlik ishlari o‘rganildi
2026-08-06 19:00:00 / Yangiliklar
“Yoshlar kuni” munosabati bilan Farg‘ona tumani hokimi Nodirjon Mashrapov hamda tuman prokurori Oybek Toshpo‘latov “Qo‘rg‘ontepa” mahalla fuqarolar yig‘ini hududidagi 53-sonli umumiy o‘rta ta’lim maktabida olib borilayotgan tayyorgarlik ishlari bilan tanishdi.
O‘rganish davomida maktabning kuz-qish mavsumiga tayyorgarligi, qozonxona holati, ta’mirlash ishlari hamda yangi o‘quv yilini munosib kutib olish bo‘yicha amalga oshirilayotgan chora-tadbirlar ko‘zdan kechirildi.
Shuningdek, sobiq mahalla fuqarolar yig‘ini binosi mahalliy budjetning infratuzilma mablag‘lari va homiylik mablag‘lari hisobidan to‘liq ta’mirlanib, boshlang‘ich sinf o‘quvchilari uchun zamonaviy sinf xonalariga aylantirilgani o‘rganildi.