“Dilkusho” mahallasida obodonlashtirish ishlari va nuroniy holidan xabar olindi
2026-07-30 18:25:00 / Yangiliklar
Mustaqilligimizning 35 yilligi munosabati bilan mamlakatimizda e’lon qilingan “Mahallada obodlik va mehr-saxovat oyligi” doirasida Farg‘ona tumanida keng ko‘lamli obodonlashtirish va bunyodkorlik ishlari amalga oshirilmoqda.
Shu munosabat bilan Farg‘ona tumani hokimi Nodirjon Mashrapov “Dilkusho” mahalla fuqarolar yig‘inida bo‘lib, mahalliy aholi xonadonlarida yaratilgan sharoitlar hamda oylik doirasida olib borilayotgan ishlar bilan joyiga chiqqan holda tanishdi.
Tashrif davomida xonadonlar atrofi, ichki yo‘llar, ariq-zovurlar, yashil hududlar va jamoat joylarini obodonlashtirish, hududlarni ozoda saqlash hamda aholi uchun qulay muhit yaratish masalalari ko‘zdan kechirilib, mas’ullarga tegishli topshiriqlar berildi.
Shuningdek, tuman hokimi mahalla hududidagi Marg‘ilon ko‘chasi, 265-uyda istiqomat qiluvchi 105 yoshli nuroniy Mayramxon ona Isaqova holidan xabar olib, uning salomatligi, yashash sharoiti va ehtiyojlari bilan yaqindan qiziqdi.
Nuroniylarni e’zozlash, ularga hurmat va e’tibor ko‘rsatish hamda mahallalarda obodonlashtirish ishlarini izchil davom ettirish ustuvor vazifalardan biri ekani alohida ta’kidlandi.