Shohimardon hududida sel xavfini kamaytirish bo‘yicha amalga oshirilayotgan ishlar o‘rganildi
2026-07-21 19:00:00 / Yangiliklar
Farg‘ona viloyati Favqulodda vaziyatlar boshqarmasi xodimlari hamda ishchi guruh a’zolari tomonidan joriy yilgi manzilli dastur ijrosi doirasida aholi va hududlarni sel hamda suv toshqinlari bilan bog‘liq favqulodda vaziyatlardan muhofaza qilish maqsadida So‘x tumani va Farg‘ona tumanining “Shohimardon” mahalla fuqarolar yig‘ini hududida o‘rganish ishlari olib borildi.
O‘rganish davomida sel yo‘llari, hududdan oqib o‘tuvchi soy va kanallarda amalga oshirilayotgan o‘zanlarni tozalash hamda qirg‘oqni mustahkamlash ishlari joyiga chiqqan holda ko‘zdan kechirildi.
Monitoring yakunida mas’ullarga sel yo‘llarini o‘z vaqtida tozalash, qirg‘oqni mustahkamlash ishlarini sifatli tashkil etish, ehtimoliy tabiiy ofatlar xavfini kamaytirish hamda belgilangan vazifalar ijrosini qat’iy nazoratga olish yuzasidan tegishli topshiriqlar berildi.