Yoshlar tadbirkorligini rivojlantirishga qaratilgan loyihalar bilan tanishildi
2026-07-20 12:30:00 / Yangiliklar
Respublika ishchi guruhi tomonidan Farg‘ona tumanida yoshlarga oid davlat siyosati ijrosi yuzasidan olib borilayotgan o‘rganishlar doirasida “Hosilot” mahalla fuqarolar yig‘ini hududida yoshlar bandligini ta’minlash va tadbirkorligini rivojlantirish maqsadida amalga oshirilishi rejalashtirilgan loyihalar o‘rganildi.
Ishchi guruh a’zolari loyihalarni amalga oshirish uchun mo‘ljallangan hududni ko‘zdan kechirib, uning mavjud holati hamda infratuzilma imkoniyatlari bilan tanishdilar.
Shuningdek, mahalla yoshlar yetakchisi va hokim yordamchisi tomonidan ilgari surilgan takliflar muhokama qilinib, ularni amaliyotga tatbiq etish hamda istiqbolli loyihalarni samarali amalga oshirish yuzasidan fikr almashildi.