Farg‘ona tumanida “Mahallada obodlik va mehr-saxovat oyligi” doirasidagi bunyodkorlik ishlari davom etmoqda
2026-07-19 21:00:00 / Yangiliklar
Farg‘ona tumanida “Mahallada obodlik va mehr-saxovat oyligi” doirasida keng ko‘lamli hashar va obodonlashtirish tadbirlari izchil davom ettirilmoqda.
Hashar tadbirlari davomida tumanning barcha mahallalarida ziyoratgohlar, qabristonlar, ko‘chalar, ichki yo‘llar, ariq-zovurlar, jamoat maskanlari va boshqa hududlarda keng ko‘lamli tozalash hamda obodonlashtirish ishlari olib borilmoqda. Hududlar begona o‘tlardan tozalanib, daraxtlar oqlanmoqda, maishiy chiqindilar olib chiqilib, sanitariya va ekologik holatni yaxshilashga qaratilgan amaliy ishlar amalga oshirilmoqda.
Mazkur xayrli tadbirlarda mahalla faollari, nuroniylar, yoshlar, davlat va jamoat tashkilotlari vakillari hamda keng jamoatchilik faol ishtirok etib, mahallalarni yanada ko‘rkam va fayzli maskanga aylantirish yo‘lida munosib hissa qo‘shmoqda.
Tumanning barcha hududlarida davom etayotgan obodonlashtirish ishlari aholi o‘rtasida birdamlik va hamjihatlik muhitini mustahkamlash, mahallalar infratuzilmasini yanada yaxshilash hamda fuqarolar uchun qulay, ozoda va obod yashash muhitini yaratishga xizmat qilmoqda.