Farg‘ona tumanida obodonlashtirish va hashar ishlari keng ko‘lamda davom etmoqda
2026-07-19 20:30:00 / Yangiliklar
Farg‘ona tumanida “Mahallada obodlik va mehr-saxovat oyligi” doirasida keng ko‘lamli hashar va obodonlashtirish ishlari izchil davom ettirilmoqda.
Tadbirlar mahallalarni yanada obod qilish, sanitariya holatini yaxshilash hamda fuqarolar uchun qulay va ozoda yashash muhitini yaratishga qaratilgan.
Hasharlar davomida tumanning barcha mahallalarida ziyoratgohlar, qabristonlar, ko‘chalar, ichki yo‘llar, ariq-zovurlar, jamoat maskanlari va boshqa hududlarda tozalash hamda obodonlashtirish ishlari olib borilmoqda. Hududlar begona o‘tlardan tozalanib, daraxtlar oqlanmoqda, chiqindilar olib chiqilib, atrof-muhitning tozaligi ta’minlanmoqda.
Mazkur xayrli tadbirlarda mahalla faollari, nuroniylar, yoshlar, davlat va jamoat tashkilotlari vakillari hamda keng jamoatchilik faol ishtirok etib, mahallalarni yanada obod va fayzli maskanga aylantirishga munosib hissa qo‘shmoqda.