Farg‘ona tumanida yong‘in xavfsizligini ta’minlash bo‘yicha profilaktik tadbirlar kuchaytirildi
2026-07-19 09:05:00 / Yangiliklar
Farg‘ona tumani Favqulodda vaziyatlar bo‘limi xodimlari tomonidan anomal issiq ob-havo sharoitida yong‘inlarning oldini olish hamda yong‘in xavfsizligini ta’minlash maqsadida avtomobillarga yoqilg‘i quyish shoxobchalarida profilaktik o‘rganishlar olib borilmoqda.
Tadbirlar davomida mas’ullarga yong‘in xavfsizligi qoidalariga qat’iy rioya etish, ehtimoliy yong‘in xavfini bartaraf etish bo‘yicha zarur choralarni ko‘rish, shuningdek, birlamchi yong‘in o‘chirish vositalaridan to‘g‘ri va samarali foydalanish tartibi amaliy mashg‘ulotlar orqali tushuntirilmoqda.
Shuningdek, anomal issiq davrida yong‘in xavfini kamaytirish maqsadida bozorlar ma’muriyati bilan hamkorlikda profilaktik choralar ko‘rilmoqda.
Xususan, bozorlar faoliyati yakunlangach, elektr tarmoqlari ma’muriyat vakillari ishtirokida asosiy elektr ta’minoti manbaidan uzib qo‘yilishi ta’minlanmoqda.