Xitoy kompaniyasi bilan qadoqlash mahsulotlari ishlab chiqarish loyihalari muhokama qilindi
2026-07-18 22:10:00 / Yangiliklar
Farg‘ona tumani hokimining o‘rinbosari – Investitsiyalar, sanoat va savdo sho‘basi boshlig‘i Akbarjon Axrorov Xitoy Xalq Respublikasiga amalga oshirayotgan xizmat safari doirasida Shinjon-Uyg‘ur Avtonom Rayoni Bayingolin Mo‘g‘ul Avtonom Okrugida faoliyat yurituvchi “Bazhou Xinnong Technology Packaging” Co., Ltd. kompaniyasi rahbariyati bilan uchrashuv o‘tkazdi.
Uchrashuv davomida tuman hududida zamonaviy qadoqlash mahsulotlari, xususan, karton qutilar ishlab chiqarish loyihalarini amalga oshirish istiqbollari muhokama qilindi. Tomonlar ishlab chiqarish quvvatlarini yo‘lga qo‘yish, ilg‘or texnologiyalarni joriy etish hamda investitsiyalarni jalb etish masalalari yuzasidan fikr almashdilar.
Muloqot chog‘ida o‘zaro manfaatli hamkorlikni rivojlantirish, yangi ish o‘rinlari yaratish va mahalliy sanoat salohiyatini oshirishga xizmat qiladigan istiqbolli loyihalarni birgalikda amalga oshirish bo‘yicha kelgusidagi hamkorlik yo‘nalishlari belgilab olindi.