Farg‘ona tumanida “Tibbiyot – korrupsiyadan xoli soha” mavzusida “Ochiq eshiklar kuni” o‘tkazildi
2026-07-17 08:05:00 / Yangiliklar
Farg‘ona tumani tibbiyot birlashmasi tomonidan Farg‘ona viloyati Sog‘liqni saqlash boshqarmasining 2026-yil 14-iyuldagi 14-09/1787-sonli ko‘rsatma xati ijrosi doirasida tuman tibbiyot birlashmasiga qarashli bo‘limlar, oilaviy poliklinikalar hamda oilaviy shifokor punktlari tibbiyot xodimlari ishtirokida “Tibbiyot – korrupsiyadan xoli soha” mavzusida “Ochiq eshiklar kuni” tadbiri tashkil etildi.
Tadbir davomida sog‘liqni saqlash tizimida korrupsiyaning oldini olish, halollik va shaffoflik tamoyillarini mustahkamlash, xodimlarning xizmat vazifalarini mas’uliyat bilan bajarishi hamda korrupsiyaga qarshi kurashish sohasidagi amaldagi qonunchilik hujjatlarining mazmun-mohiyati yuzasidan tushuntirish ishlari olib borildi.
Shuningdek, ishtirokchilar bilan ochiq muloqot tashkil etilib, ularni qiziqtirgan savollarga atroflicha javoblar berildi hamda tizimda ochiqlik, hisobdorlik va korrupsiyaga nisbatan murosasiz munosabatni shakllantirish yuzasidan tavsiyalar bildirildi.