Chimyon soyidagi chiqindilar tozalanib, murojaat bo‘yicha tezkor choralar ko‘rildi
2026-07-16 19:00:00 / Yangiliklar
Ijtimoiy tarmoqlarda Farg‘ona viloyati, Farg‘ona tumani Chimyon MFY hududidan oqib o‘tuvchi soyda chiqindilar to‘planib qolgani yuzasidan tarqalgan murojaat Farg‘ona tumani Ekologiya va iqlim o‘zgarishi bo‘limi tomonidan zudlik bilan o‘rganildi.
O‘rganish davomida mazkur hududda maishiy va plastik chiqindilar to‘planib qolgani aniqlandi. Shu munosabat bilan mas’ul tashkilotlar hamkorligida tozalash ishlari tashkil etildi.
Natijada, Chimyon MFY hududidan oqib o‘tuvchi soy chiqindilardan to‘liq tozalanib, aniqlangan kamchiliklar bartaraf etildi.
Farg‘ona viloyati Ekologiya va iqlim o‘zgarishi boshqarmasi atrof-muhitni muhofaza qilishga befarq bo‘lmagan fuqarolarga o‘z minnatdorligini bildiradi hamda ekologik huquqbuzarliklar va shunga o‘xshash holatlar aniqlangan taqdirda, vakolatli idoralarga yoki ijtimoiy tarmoqlar orqali murojaat qilishni so‘raydi.