Farg‘ona tumani hokimligi

“Yoshlar kuni” munosabati bilan Fargʻona tumani hududida faoliyat olib borayotgan yoshlar yetakchilarini rag‘batlantirishga bag‘ishlangan tantanali tadbir bo‘lib o‘tdi.

Tadbirda Fargʻona tumani hokimi Nodirjon Mashrapov, tuman prokurori Oybek Toshpo‘latov, Ichki ishlar bo‘limi boshlig‘i Murodjon Qunduzov, Davlat soliq inspeksiyasi boshlig‘i Ixtiyorjon Sultonov, hokim o‘rinbosarlari, Yoshlar ishlari bo‘limi mas’ullari hamda mahallalardagi yoshlar yetakchilari ishtirok etdilar.

2026-yilning birinchi yarim yilligi davomida faoliyati samarali deb topilgan yoshlar yetakchilari tuman hokimligi hamda Yoshlar ishlari bo‘limi tomonidan faxriy yorliqlar, esdalik sovg‘alari va tashakkurnomalar bilan taqdirlandilar.

Tadbir davomida yoshlarning ijtimoiy faolligini oshirish, ularni qo‘llab-quvvatlash va yanada rag‘batlantirish bo‘yicha tegishli tavsiyalar berildi. Bayramona ruhda o‘tgan marosim ishtirokchilarga katta motivatsiya va kelgusidagi faoliyatlari uchun yangi kuch-g‘ayrat bag‘ishladi.