Farg‘ona tumani hokimligi

Farg‘ona tumani hokimi Nodirjon Mashrapov boshchiligida tumandagi jome masjidlar imom-xatiblari ishtirokida ochiq muloqot o‘tkazildi.

Muloqot davomida jome masjidlarida aholiga qulay va munosib shart-sharoitlar yaratish, binolarning texnik holatini yaxshilash, obodonlashtirish hamda zarur ta’mirlash ishlarini tizimli tashkil etish masalalari atroflicha muhokama qilindi.

Shuningdek, masjidlarda ibodat qiluvchilar uchun qulay muhitni ta’minlash, mavjud infratuzilmani yanada takomillashtirish hamda aniqlangan kamchiliklarni bartaraf etish yuzasidan mas’ullarga tegishli topshiriq va tavsiyalar berildi.

Muloqot yakunida belgilangan vazifalar ijrosini o‘z vaqtida va sifatli ta’minlash, jome masjidlarda yaratilayotgan sharoitlarni yanada yaxshilash bo‘yicha izchil ishlarni davom ettirish zarurligi ta’kidlandi.