Harbiy xizmatchilar uchun kasb-hunarga yo‘naltirish bo‘yicha amaliy mashg‘ulot o‘tkazildi
2026-06-29 15:35:00 / Yangiliklar
Farg‘ona tumani 3-son texnikumida 9229-harbiy qismning 8-posti harbiy xizmatchilari ishtirokida askarlarni kasb-hunarga yo‘naltirishga bag‘ishlangan amaliy mashg‘ulot tashkil etildi.
Mashg‘ulot davomida ishtirokchilarga texnikumda mavjud kasb-hunar yo‘nalishlari, zamonaviy kasblarni egallash imkoniyatlari hamda mehnat bozorida talab yuqori bo‘lgan mutaxassisliklar haqida batafsil ma’lumotlar berildi.
Shuningdek, harbiy xizmatni yakunlagan yoshlarning kasb egallashi, bandligini ta’minlash va ularning mehnat bozoriga muvaffaqiyatli integratsiyalashuvini qo‘llab-quvvatlash bo‘yicha amalga oshirilayotgan tizimli ishlar yuzasidan tushuntirishlar o‘tkazildi.