Farg‘ona tumani hokimligi

Farg‘ona tumani hokimligi bosh yuriskonsulti Umidaxon Qurbonova tomonidan hokimlik soatlarida tuman tashkilotlari rahbarlari hamda hokimlik apparati xodimlari ishtirokida korrupsiyaga qarshi kurashish, manfaatlar to‘qnashuvining oldini olish hamda komplayens nazorat tizimini samarali joriy etish masalalariga bag‘ishlangan o‘quv-ma’ruza tashkil etildi.

Tadbir davomida korrupsiyaga oid huquqbuzarliklarning oldini olish, davlat xizmatchilarining odob-axloq qoidalariga qat’iy rioya etishi, manfaatlar to‘qnashuvini o‘z vaqtida aniqlash va bartaraf etish, shuningdek, komplayens nazorat tizimini amaliyotga samarali tatbiq etishning huquqiy asoslari hamda amaliy mexanizmlari yuzasidan batafsil tushuntirishlar berildi.

Shuningdek, ishtirokchilarga davlat xizmatida ochiqlik, shaffoflik va halollik tamoyillariga amal qilish, korrupsiyaga nisbatan murosasiz munosabatni shakllantirish hamda amaldagi qonunchilik talablariga so‘zsiz rioya etish bo‘yicha zarur tavsiya va ko‘rsatmalar berildi.

Tadbir yakunida korrupsiyaning oldini olish bo‘yicha profilaktik chora-tadbirlarni kuchaytirish, komplayens nazorat tizimi samaradorligini oshirish hamda davlat organlari faoliyatida qonuniylik va shaffoflikni ta’minlash ustuvor vazifa ekani alohida ta’kidlandi.