Tadbirkorlik obyektlarida xavfsizlik bo‘yicha targ‘ibot tadbirlari o‘tkazildi
2026-06-22 17:00:00 / Yangiliklar
Farg‘ona tumanida jamoat xavfsizligini ta’minlash, jinoyatchilik va huquqbuzarliklarning oldini olish maqsadida Ichki ishlar bo‘limi huzuridagi Qo‘riqlash xizmati xodimlari tomonidan savdo markazlari hamda tadbirkorlik obyektlarida profilaktik targ‘ibot tadbirlari tashkil etildi.
Tadbirlar davomida tadbirkorlar va savdo nuqtalari egalari bilan uchrashuvlar o‘tkazilib, mol-mulk xavfsizligini ta’minlash, noqonuniy xatti-harakatlarning oldini olish hamda qo‘riqlash xizmatlari imkoniyatlaridan samarali foydalanish yuzasidan tushuntirishlar berildi.
Shuningdek, ishtirokchilarga obyektlarni markazlashgan qo‘riqlash pultiga ulash, zamonaviy signalizatsiya tizimlari va tezkor chaqiruv tugmalarining afzalliklari haqida batafsil ma’lumotlar yetkazildi.