Farg‘ona tumanida qo‘riqlash xizmati faoliyati bo‘yicha targ‘ibot ishlari olib borildi
2026-05-30 18:05:00 / Majlislar
Farg‘ona tumani IIB huzuridagi Qo‘riqlash xizmati xodimlari tomonidan xizmat afzalliklari yuzasidan keng ko‘lamli targ‘ibot tadbirlari tashkil etildi.
Tadbirlar davomida aholi hamda tadbirkorlik subyektlariga qo‘riqlash xizmatining ishonchliligi, tezkor harakatlanish imkoniyati, uzluksiz nazorat tizimi hamda zamonaviy texnik qo‘riqlash vositalari orqali xavfsizlikni ta’minlashdagi ustun jihatlari haqida atroflicha tushuntirishlar berildi.
Shuningdek, jinoyat va huquqbuzarliklarning oldini olishda qo‘riqlash xizmatining muhim o‘rni alohida ta’kidlanib, xizmatga ulanish tartibi hamda shartnoma asosida ko‘rsatiladigan xizmatlar yuzasidan fuqarolarning savollariga batafsil javoblar qaytarildi.