Farg‘ona tumani sportchilari O‘zbekiston Kubogi musobaqasida munosib ishtirok etdi
2026-05-19 16:00:00 / Yangiliklar
Qo‘l jangi sport turi bo‘yicha Farg‘ona tumani 2-son sport maktabi tarbiyalanuvchilari murabbiy Rustamjon Rayimov boshchiligida O‘zbekiston Kubogi musobaqasida ishtirok etib, yuqori natijalarni qo‘lga kiritdilar.
Musobaqa davomida sportchilar o‘zlarining jismoniy tayyorgarligi, mahorati va matonatini namoyon etib, faxrli o‘rinlarni egallashga muvaffaq bo‘ldilar. Jumladan:
Farzonaxon Ashuraliyeva — 1-o‘rin;
Dilhayoxon Urayimjonova — 1-o‘rin;
Behruzbek Rasuljonov — 1-o‘rin;
Tohirbek Olimjonov — 3-o‘rin.
Mazkur yutuqlar sportchilarning tinimsiz mehnati, sportga bo‘lgan intilishi hamda murabbiylarning fidokorona sa’y-harakatlari samarasi hisoblanadi.
Farg‘ona tumani sportchilari tomonidan erishilayotgan bunday muvaffaqiyatlar yoshlarni sportga keng jalb etish, sog‘lom turmush tarzini targ‘ib qilish va mamlakatimiz sport salohiyatini yanada yuksaltirish yo‘lidagi muhim natijalardan biridir.
Sportchilarimizni ushbu muvaffaqiyat bilan samimiy muborakbod etib, kelgusi musobaqalarda ham ularga ulkan zafar va yuksak natijalar tilaymiz.