Farg‘ona tumanida “DXX kubogi” mini futbol musobaqasining tuman bosqichi o‘tkazildi
2026-05-15 13:05:00 / Yangiliklar
“Yoshlar kuni” tadbirlari doirasida Farg‘ona tumani “Yambaroq” mahalla fuqarolar yig‘ini hududidagi 5-sonli umumiy o‘rta ta’lim maktabining mini futbol maydonida “Davlat xavfsizlik xizmati kubogi” uchun mini futbol musobaqalarining tuman bosqichi bo‘lib o‘tdi.
Mazkur musobaqalarda jami 18 ta uchrashuv tashkil etilib, unda 100 nafardan ortiq yoshlar faol ishtirok etdi. Musobaqa reglamentiga ko‘ra, o‘yinlar guruh tizimida aylana tarzda o‘tkazildi.
Qizg‘in va murosasiz kechgan uchrashuvlar davomida darvozalarga jami 68 ta gol kiritildi. Shuningdek, qo‘pol o‘yin namoyish etgan 13 nafar ishtirokchiga sariq kartochka ko‘rsatildi.
Yakuniy natijalarga ko‘ra “Sharq haqiqati”, “Yambaroq” hamda “Qorasuv” mahalla fuqarolar yig‘inlari jamoalari yarim final bosqichiga yo‘llanma oldi.
Musobaqa yakunlariga ko‘ra guruhlar kesimida quyidagi natijalar qayd etildi:
A guruhi:
- “Qorasuv” MFY — 9 ochko
- “Satkak” MFY — 6 ochko
- “Toshqo‘rg‘on Aziz” MFY — 3 ochko
- “Langar” MFY — 0 ochko
B guruhi:
- “Sharq haqiqati” MFY — 9 ochko
- “Gulpiyon” MFY — 6 ochko
- “Kaptarxona” MFY — 3 ochko
- “Konchilar” MFY — 0 ochko
C guruhi:
- “Yambaroq” MFY — 9 ochko
- “Xurshidi Tobon” MFY — 6 ochko
- “Xonqiz” MFY — 3 ochko
- “Boy mahalla” MFY — 0 ochko