Farg‘ona tumani o‘quvchilari “Robo-Coding” olimpiadasida 1-o‘rinni qo‘lga kiritdi
2026-05-08 20:00:00 / Yangiliklar
Farg‘ona tumani maktabgacha va maktab ta’limi bo‘limi tasarrufidagi 6-umumta’lim maktabining 10-sinf o‘quvchisi Qirg‘izova Nozima hamda 9-sinf o‘quvchisi Xoliqjonov Muslixiddin “Robo-Coding” olimpiadasining respublika bosqichida yuksak bilim va iqtidor namunasini ko‘rsatib, faxrli 1-o‘rinni qo‘lga kiritdilar.
Ushbu natija o‘quvchilarning izlanishi, mehnatsevarligi va qat’iyatining yorqin ifodasi bo‘lib, ular nafaqat o‘z maktabi, balki butun Farg‘ona tumani sharafini munosib himoya qildilar.
Farg‘ona tumani hokimligi, Xalq deputatlari tuman Kengashi hamda jamoatchilik nomidan g‘olib o‘quvchilarimiz samimiy muborakbod etamiz va ularga kelgusida yanada yuksak marralar va katta muvaffaqiyatlar tilab qolamiz.