Farg‘ona tumani hokimligi

Farg‘ona tuman Kengashi raisi Bahodir Ahmadjonov hamda Ijtimoiy soha, yoshlar siyosati, madaniyat va sport masalalari bo‘yicha doimiy komissiya a’zolari ishtirokida Farg‘ona tuman Kengashi huzurida tashkil etilgan “Yoshlar maslahat guruhi”ning navbatdagi yig‘ilishi o‘tkazildi.

Yig‘ilishda komissiya raisi Ozodaxon Dadajonova “Xalq deputatlari Farg‘ona tuman Kengashi huzuridagi “Yoshlar maslahat guruhi” — yoshlarni qarorlar qabul qilish jarayonlariga jalb etib, ularning tashabbusi va fikrlarini hudud taraqqiyotiga yo‘naltiradigan maslahat va hamkorlik platformasidir” mavzusida ma’ruza qildi. U o‘z nutqida yoshlarni faol fuqarolik pozitsiyasini mustahkamlashga, jamiyat hayotida faol ishtirok etishga hamda amalga oshirilayotgan islohotlar jarayonida tashabbuskor bo‘lishga chaqirdi.

Shuningdek, yig‘ilish davomida yoshlar tomonidan bildirilayotgan taklif va tashabbuslarni har tomonlama qo‘llab-quvvatlash, ularni aniq amaliy natijalarga yo‘naltirish zarurligi ta’kidlandi. Har bir ilgari surilgan fikr ortida hudud kelajagiga xizmat qiladigan muhim imkoniyatlar mavjud ekani qayd etildi.

Yig‘ilish yakunida yoshlarning tashabbuslarini tizimli qo‘llab-quvvatlash, ularning jamiyat hayotidagi ishtirokini yanada kengaytirish hamda qarorlar qabul qilish jarayonlarida faol ishtirokini ta’minlash ustuvor vazifa sifatida belgilandi.