Farg‘ona tumanida “Yoshlar kuni” doirasida yosh tadbirkor faoliyati o‘rganildi
2026-04-23 21:00:00 / Ochiq muloqotlar
“Yoshlar kuni” tadbirlari doirasida Farg‘ona tumani hokimi Xamidullo Inomov, tuman prokurori Oybek Toshpo‘latov hamda tuman Ichki ishlar bo‘limi boshlig‘i Murodjon Qunduzov tumandagi “Mindon” mahalla fuqarolar yig‘ini hududida istiqomat qiluvchi, hozirda tadbirkorlik faoliyati bilan shug‘ullanayotgan yosh tadbirkor Boqijonov Jamshidbek Qoyiljon o‘g‘lining faoliyati bilan yaqindan tanishdi.
Tashrif davomida yosh tadbirkorning ish jarayoni, amalga oshirayotgan loyihalari hamda erishayotgan natijalari ko‘zdan kechirildi. Mutasaddilar tomonidan yoshlar tadbirkorligini qo‘llab-quvvatlash, ularning tashabbuslarini rag‘batlantirish va biznes yuritish uchun qulay sharoitlar yaratish davlat siyosatining muhim yo‘nalishlaridan biri ekani alohida ta’kidlandi.
Uchrashuv davomida yosh tadbirkorga faoliyatini yanada kengaytirish, yangi ish o‘rinlari yaratish hamda kelgusida yanada yuksak natijalarga erishish borasida zarur tavsiyalar berildi.