Farg‘ona tumanlik yosh sportchi Jahon chempionatiga yo‘llanmani qo‘lga kiritdi
2026-04-23 18:00:00 / Yangiliklar
Farg‘ona tumani 2-IDUMI 11-sinf o‘quvchisi Ahmadjonov Islomjon Ilhomjon o‘g‘li Xorazm viloyatida o‘tkazilgan sportning belbog‘li kurash turi bo‘yicha O‘zbekiston chempionatida munosib ishtirok etib, faxrli 2-o‘rinni egalladi.
Mazkur natija orqali yosh sportchi Farg‘ona shahrida bo‘lib o‘tadigan Jahon chempionatida ishtirok etish yo‘llanmasini qo‘lga kiritdi.
Bu yutuq yoshlar o‘rtasida sportni keng targ‘ib etish, ularning jismoniy salohiyatini oshirish va sog‘lom turmush tarzini shakllantirish borasida olib borilayotgan izchil ishlarning amaliy natijasidir.
Farg‘ona tumani hokimligi, Xalq deputatlari tuman Kengashi hamda keng jamoatchilik nomidan Ahmadjonov Islomjon Ilhomjon o‘g‘li ushbu ulkan muvaffaqiyat bilan samimiy muborakbod etib, kelgusi musobaqalarda ham yuksak natijalar va zafarlar tilaymiz.