Farg‘ona tumanida chorvachilikda veterenariya-sanitariya va epizootik barqarorlikni ta’minlashga qaratilgan seminar bo‘lib o‘tdi
2026-04-22 20:45:00 / Yangiliklar
“Chorvachilikda veterinariya-sanitariya va epizootiya-gigiyena oyligi” doirasida navbatdagi amaliy seminar “Volida” fermer xo‘jaligida o‘tkazildi.
Mazkur seminarda Viloyat veterinariya va chorvachilikni rivojlantirish boshqarmasi boshlig‘i A.Abdusamiyev, Farg‘ona tumani veterinariya va chorvachilikni rivojlantirish bo‘limi boshlig‘i J.Turdaliyev, Farg‘ona va Quvasoy shahar veterinariya va chorvachilikni rivojlantirish bo‘limi boshliqlari va chorvachilikga ixtisoslashgan fermer xo‘jaliklari rahbarlari ishtirok etdi.
Seminar davomida — chorva mollarini parvarishlashda veterinariya-sanitariya qoidalariga amal qilish, kasalliklarni erta aniqlash, profilaktika tadbirlarini kuchaytirish hamda epizootik osoyishtalikni ta’minlash masalalari atroflicha muhokama qilindi.
Shuningdek, Farg‘ona tuman veterinariya va chorvachilikni rivojlantirish bo‘limiga dezinfeksiya ishlari uchun mo‘ljallangan maxsus avtotransport vositasi topshirildi. Mutaxassislar tomonidan emlash, dezinfeksiya tadbirlarini tizimli yo‘lga qo‘yish, xo‘jaliklarda zoogigiyena talablarini joriy etish bo‘yicha amaliy tavsiyalar berildi. Tadbir yakunida ishtirokchilar o‘zlarini qiziqtirgan savollarga mutaxassislar tomonidan batafsil javoblar oldilar.
Ushbu seminar chorvachilikga ixtisoslashgan fermer xo‘jaliklarida parvarish qilinayotgan barcha turdagi chorva hayvonlari o‘rtasida epizootik barqarorlikni ta'minlashga xizmat qiladi.