Farg‘ona tumanida elektr tarmoqlari modernizatsiyasi doirasida transformator punkti mukammal ta’mirlandi
2026-04-20 16:30:00 / Yangiliklar
Farg‘ona hududiy elektr tarmoqlari korxonasi AJ tomonidan joriy yil boshida tasdiqlangan rejaga muvofiq hududlarda elektr ta’minoti infratuzilmasini yaxshilashga qaratilgan keng ko‘lamli ishlar izchil amalga oshirilmoqda.
Mazkur rejaga asosan, Farg‘ona tuman elektr ta’minoti korxonasi tomonidan tumanning “Qo‘rg‘ontepa” mahalla fuqarolar yig‘ini hududida joylashgan 1514-sonli transformator punktida mukammal ta’mirlash ishlari bajarildi.
Ta’mirlash jarayonida mutaxassislar tomonidan transformator punkti to‘liq qayta montaj qilinib, zamonaviy texnik talablarga mos holatga keltirildi. Shuningdek, elektr tarmoqlarida barqarorlikni ta’minlash maqsadida fazalararo yuklama teng taqsimlandi.
Ta’kidlash joizki, bu kabi ta’mirlash va modernizatsiya ishlari tumanning boshqa hududlarida ham izchil davom ettirilmoqda.