Farg‘ona tumani hokimligi

Marg‘ilon shahridagi Erkin Vohidov nomidagi ijod maktabida o‘tkazilgan “Yosh kitobxon” tanlovining Farg‘ona viloyat bosqichida 10–14 yosh toifasi bo‘yicha ishtirok etgan iqtidorli yoshlar orasidan g‘oliblar aniqlandi.

Tanlov davomida ishtirokchilar o‘zlarining bilim darajasi, keng dunyoqarashi hamda yuksak mutolaa madaniyati bilan ajralib turib, munosib baholandi. Ayniqsa, kitobxonlikka bo‘lgan qiziqish va intilish yoshlar o‘rtasida tobora ortib borayotgani yana bir bor o‘z tasdig‘ini topdi.

Quvonarlisi, g‘oliblar qatorida Farg‘ona tumani “Oqbilol” mahallasida yashovchi G‘ofurjonova Xayotxon Umidjon qizi faxrli 1-o‘rinni egalladi. Bu yutuq nafaqat tuman, balki viloyat miqyosida yoshlarning intellektual salohiyati yuksalayotganidan dalolat beradi.

Tanlov g‘oliblari tashkilotchilar tomonidan munosib taqdirlanib, faol ishtirok etgan ishtirokchilarga tashakkurnoma, kitoblar jamlanmasi hamda mutolaa premium kartochkalari topshirildi.

Farg‘ona tumani hokimligi, Xalq deputatlari tuman Kengashi hamda keng jamoatchilik nomidan G‘ofurjonova Xayotxon Umidjon qiziga ushbu yuksak g‘alaba bilan samimiy muborakbod etib, respublika bosqichida ulkan muvaffaqiyatlar tilaymiz.