Yapog‘i qishlog‘ida sayyor qabul o‘tkazilib, fuqarolar murojaatlari o‘rganildi
2026-04-18 17:05:00 / Ochiq muloqotlar
Farg‘ona tumani hokimining birinchi o‘rinbosari Shavkatjon Jo‘rayev tomonidan “Marg‘ilon” mahalla fuqarolar yig‘ini hududidagi Yapog‘i qishlog‘ida sayyor qabul tashkil etildi.
Sayyor qabul davomida fuqarolar tomonidan turli yo‘nalishlarga oid 8 ta murojaat qabul qilinib, ularning mazmun-mohiyati atroflicha o‘rganildi. Murojaatlar asosan ijtimoiy-iqtisodiy masalalar, infratuzilma, kommunal xizmatlar hamda boshqa dolzarb muammolarni qamrab oldi.
Har bir murojaat yuzasidan mas’ul tashkilot va mutasaddilarga aniq topshiriq hamda ko‘rsatmalar berilib, ularni belgilangan muddatlarda ko‘rib chiqish va hal etish vazifasi yuklatildi.