Farg‘ona viloyati prokuraturasi hamda viloyat Ekologiya va iqlim o'zgarishi boshqarmasi tashabbusi bilan boshqarma huzuridagi “Eko faol yoshlar kengashi” a’zolari ishtirokida navbatdagi ibratli tadbir tashkil etildi.
2026-04-17 15:05:00 / Yangiliklar
Ekofaollar bu safar Farg‘ona tumani Chimyon qishlog‘ida joylashgan Xuvaydo ziyoratgohida 15-aprel — Ekologik bilimlar kuni munosabati bilan plogging aksiyasini o‘tkazdilar. Mazkur tashabbus sport va ekologik madaniyatni uyg‘unlashtirgan holda jamoatchilik orasida atrof-muhitga ehtiyotkor munosabatni shakllantirishga xizmat qildi.
Tadbir davomida hududda keng ko‘lamli tozalash ishlari olib borilib, chiqindilar yig‘ib olindi. Shuningdek, ekofaollar sport o‘yinlari orqali dam oldilar hamda Xuvaydo maqbarasiga ekskursiya uyushtirib, uning boy tarixiy-ma’naviy merosi bilan yaqindan tanishdilar.