Xalq deputatlari Farg‘ona tuman Kengashining 21-sessiyasiga tayyorgarlik masalalari muhokama qilindi
2026-04-13 18:45:00 / Majlislar
Xalq deputatlari Farg‘ona tuman Kengashi kotibiyat mudiri Shuxratjon Raximov rahbarligida Kengashning navbatdagi 21-sessiyasiga kiritiladigan dolzarb masalalar yuzasidan keng qamrovli hamda tanqidiy-amaliy muhokama o‘tkazildi.
Mazkur muhokamalarda doimiy komissiya raislari Ozodaxon Dadajonova, Bumayramxon Sobirova hamda deputat F. Abdusalomov ishtirok etdi. Uchrashuv davomida hududni ijtimoiy-iqtisodiy rivojlantirish, aholi turmush darajasini oshirish hamda mavjud muammolarni manzilli va tizimli hal etishga qaratilgan masalalar atroflicha tahlil qilindi.
Xususan, sessiya kun tartibini shakllantirishda ustuvor yo‘nalishlar aniq belgilab olinib, muhokama qilingan har bir masalaning amaliy natijadorligiga alohida e’tibor qaratildi. Taklif etilgan masalalar tanqidiy yondashuv asosida ko‘rib chiqilib, ularni samarali amalga oshirish mexanizmlari muhokama etildi.
Yakuniy natijalarga ko‘ra, Kengashning navbatdagi sessiyasini chaqirish to‘g‘risidagi farmoyish tasdiqlash uchun Kengash raisiga kiritildi.