Doimiy komissiya yig‘ilishida qonuniylik va profilaktika masalalari muhokama qilindi
2026-04-07 16:05:00 / Majlislar
Xalq deputatlari Farg‘ona tuman Kengashining korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasi yig‘ilishida tumanda qonuniylikni mustahkamlash, huquqbuzarliklar profilaktikasi hamda jinoyatchilikka qarshi kurashish yo‘nalishida amalga oshirilayotgan ishlar umumlashtirilib, tanqidiy tahlil qilindi.
Taqdim etilgan ma’lumotlar asosida mavjud holat atroflicha muhokama qilinib, ayrim yo‘nalishlardagi kamchiliklar hamda ularni bartaraf etish imkoniyatlari ko‘rib chiqildi. Shu asosda profilaktika ishlarini yanada takomillashtirish, huquqbuzarliklarning oldini olish va idoralararo hamkorlikni mustahkamlashga qaratilgan aniq taklif va vazifalar belgilab olindi.
Yig‘ilishda Kengash raisi Bahodir Axmadjonov hamda kotibyat mudiri Shuxratjon Raximov ishtirok etib, muhokama qilingan masalalar yuzasidan o‘z fikr-mulohazalarini bildirdilar. Shuningdek, ilgari surilgan taklif va tavsiyalarni amaliyotga samarali joriy etish muhimligi alohida ta’kidlandi.