Fargʻona tumanida “Yashil makon” va “Yashil belbogʻ” loyihalari izchil amalga oshirilmoqda
2026-03-25 22:15:00 / Yangiliklar
Fargʻona tumanida “Doʻstlik” va “Yuqori Archa” mahallalari hududidagi 105 gektar maydondagi qir-adirliklarda “Yashil makon” umummilliy loyihasi hamda “Yashil belbogʻ” loyihalari doirasida daraxt ko‘chatlari ekish va tomchilatib sugʻorish tizimini joriy etish ishlari bosqichma-bosqich amalga oshirilmoqda.
Xususan, bugun Fargʻona tumani hokimligi, Obodonlashtirish boshqarmasi hamda Ekologiya bo‘limlari hamkorligida ushbu hududning 7 gektar qismida keng ko‘lamli ko‘kalamzorlashtirish ishlari olib borildi. Jarayonda 1500 tupdan ortiq manzarali daraxt ko‘chatlari ekilib, ularni parvarishlash maqsadida sug‘orish ishlari tashkil etildi.
Mazkur loyihalar hududning ekologik muhitini yaxshilash, qir-adirlik yerlarda yashil hududlarni kengaytirish hamda kelajak avlod uchun sog‘lom atrof-muhit yaratishga xizmat qilmoqda.