"O‘zLiDeP kreativ tadbirkor yoshlar g‘oyalarini qo‘llab-quvvatlaydi va ularga yo‘l ochadi."
2026-03-13 13:00:00 / Yangiliklar
OʻzLiDeP Fargʻona viloyat Kengashi tomonidan Fargʻona tumani 1-son texnikumida "Kreativ yoshlar jamiyat tayanchi" mavzusida yoshlar bilan uchrashuv tashkil etildi. Uchrashuv davomida yoshlarning tashabbuslarini qoʻllab-quvvatlash, ularning kreativ gʻoyalari hamda tadbirkorlik faoliyatini rivojlantirish masalalari muhokama qilindi.
Tadbirda “Kreativ tadbirkor yoshlar” loyihasining mazmun-mohiyati haqida soʻz yuritilib, loyiha doirasida yoshlar uchun yaratilayotgan imkoniyatlar — startap tashabbuslarini qoʻllab-quvvatlash, IT va raqamli texnologiyalar bo‘yicha bilimlarni oshirish, muvaffaqiyatli tadbirkorlar ishtirokida trening va seminarlar tashkil etilishi ta’kidlandi.
Uchrashuv davomida faol yoshlar oʻz gʻoya va tashabbuslari bilan ham ishtirok etdi. Jumladan, yosh tashabbuskor Raximov Asilbek tomonidan “Smart Agro Monitor” – aqlli sug‘orish va tuproq nazorati tizimi nomli startap loyiha taqdim etildi. Mazkur loyiha tuproq namligi va holatini sensorlar orqali kuzatib borish hamda fermerlarga mobil ilova orqali ma’lumot yetkazish orqali suv resurslaridan samarali foydalanish va hosildorlikni oshirishga qaratilgani bilan e’tibor qozondi.
Shuningdek, yoshlarning fikr-mulohazalari tinglanib, ularning taklif va tashabbuslari qoʻllab-quvvatlandi. Uchrashuv yoshlarni yanada faollikka, yangi gʻoya va tashabbuslar bilan chiqishga undadi.