Farg‘ona tumanida “Yoshlar orasida giyohvandlikka qarshi kurash” oyligi doirasida targ‘ibot tadbiri o‘tkazildi
2026-02-20 15:15:00 / Yangiliklar
O‘zbekiston Respublikasi Prezidentining 2024-yil 6-maydagi PF-73-son hamda 2025-yil 3-noyabrdagi PF-207-son Farmonlari, shuningdek Ichki ishlar vazirining 2026-yil 27-yanvardagi 27-sonli farmoyishi va Farg‘ona viloyati IIB boshlig‘ining 2026-yil 31-yanvardagi 08-sonli farmoyishiga asosan 2026-yil 1-fevraldan 1-martga qadar “Yoshlar orasida giyohvandlik vositalari va psixotrop moddalar tarqalishini oldini olish” kompleks tezkor-profilaktik tadbirlari oyligi e’lon qilingan.
Mazkur oylik doirasida Farg‘ona tumanida belgilangan vazifalar ijrosini ta’minlash maqsadida Abu Ali Ibn Sino nomidagi Tibbiyot texnikumida yig‘ilish tashkil etildi. Tadbir davomida yoshlarga giyohvandlik va narkojinoyatlarning salbiy oqibatlari haqida tushuntirishlar berilib, mavzuga oid videorolik namoyish etildi.
Tadbirning asosiy maqsadi yoshlar orasida sog‘lom turmush tarzini targ‘ib qilish, ularni turli zararli illatlardan asrash hamda jamiyatda huquqbuzarliklarning oldini olishdan iborat bo‘ldi.