Farg‘ona tumani hokimi “Alpomish Xosiyatxon” fermer xo‘jaligi faoliyati bilan tanishdi
2026-02-18 19:35:00 / Yangiliklar
Farg‘ona tumani hokimi Xamidullo Inomov “Navro‘z” mahalla fuqarolar yig‘ini hududida joylashgan “Alpomish Xosiyatxon” fermer xo‘jaligida bo‘lib, uning faoliyati bilan yaqindan tanishdi.
Xo‘jalik rahbari, tadbirkor Elyorjon Nishonov mazkur hududda 10 dan ortiq navli malina ko‘chatlarini yetishtirish bilan shug‘ullanmoqda. Yetishtirilayotgan ko‘chatlar ichki bozor bilan bir qatorda boshqa hududlarga ham yetkazib berilmoqda.
Tashrif davomida tadbirkor bilan hamkorlikda “Vodil” agroturizm klasterini tashkil etish, sohada yangi ish o‘rinlari yaratish hamda hududning turizm salohiyatini oshirish masalalari muhokama qilindi.