Farg‘ona tumanida giyohvandlikka qarshi profilaktik tadbir o‘tkazildi
2026-02-10 13:05:00 / Yangiliklar
Huquqbuzarliklar profilaktikasi kuni munosabati bilan Farg‘ona tumani IIB JXX HPB VEMB inspektor-psixologlari tomonidan 3-sonli umumta’lim maktabida giyohvandlikka qarshi profilaktik tadbir tashkil etildi.
Tadbir O‘zbekiston Respublikasi Prezidentining giyohvandlik vositalari va psixotrop moddalarning noqonuniy aylanishiga chek qo‘yish, aholi salomatligini asrash hamda mamlakat genofondini himoya qilishga qaratilgan farmonlari, shuningdek Ichki ishlar vazirligi hamda Farg‘ona viloyati IIB farmoyishlari ijrosini ta’minlash maqsadida o‘tkazildi.
Uchrashuv davomida o‘quvchilarga giyohvandlikning salbiy oqibatlari, uning inson salomatligi va kelajagiga ta’siri, shuningdek, qonunchilikda belgilangan javobgarlik masalalari yuzasidan tushuntirishlar berildi.
Tadbir yakunida ishtirokchilarga “Asra” nomli videorolik namoyish etildi.