Buyuk ajdodlar merosi — yoshlar ma’naviy tarbiyasining mustahkam asosi
2026-02-10 11:00:00 / Yangiliklar
Farg‘ona tumani 63-umumiy o‘rta ta’lim maktabida yosh avlodni milliy va umuminsoniy qadriyatlarga hurmat ruhida tarbiyalash, ularning ma’naviy-ma’rifiy dunyoqarashini kengaytirish maqsadida mazmunli madaniy-ma’rifiy tadbir tashkil etildi.
Maktabning ijtimoiy-gumanitar fanlar metodbirlashmasi tashabbusi bilan buyuk mutafakkirlar — Alisher Navoiy hamda Zahiriddin Muhammad Bobur tavalludiga bag‘ishlangan ko‘rik-tanlov o‘tkazildi. Tadbir davomida o‘quvchilar ajdodlarimizning boy ma’naviy merosi, bebaho adabiy asarlari va tarixiy xizmatlari haqida atroflicha ma’lumotlar berib, mazmunli chiqishlar bilan ishtirok etdilar.
Ko‘rik-tanlov jarayonida o‘quvchilar Alisher Navoiy va Zahiriddin Muhammad Bobur ijodidan she’rlar yod oldilar, sahna ko‘rinishlari orqali ularning hayoti va faoliyatini badiiy ifoda etdilar.