Farg‘ona tumanida tungi navbatchilik oldidan saf ko‘rig‘i o‘tkazildi
2026-01-29 19:30:00 / Yangiliklar
Farg‘ona tumanida “Ijtimoiy profilaktika haftaligi” doirasida tuman hokimi Xamidullo Inomov, tuman prokurori Oybek Toshpo‘latov hamda tuman IIB boshlig‘i o‘rinbosarlari ishtirokida tungi navbatchilik oldidan saf ko‘rig‘i tashkil etildi.
Saf ko‘rigida Ichki ishlar bo‘limi mas’ul xodimlari va mahalla profilaktika inspektorlari qatnashdi. Tadbir davomida navbatchilik tartibi, huquqni muhofaza qilish va profilaktika chora-tadbirlari bo‘yicha ishlar ko‘zdan kechirildi hamda mavjud vazifalarni samarali bajarish masalalari muhokama qilindi.
Saf ko‘rig‘ining o‘tkazilishi mahallalarda xavfsiz muhitni ta’minlash, jamoat tartibini mustahkamlash va jinoyatchilikning oldini olish borasidagi tizimli ishlarni yanada kuchaytirishga qaratilgan.