Farg‘ona tumanida sayyor qabullar davom etmoqda
2026-01-29 16:55:00 / Ochiq muloqotlar
Farg‘ona tuman adliya bo‘limi tomonidan mahallalarda fuqarolar ishtirokida sayyor qabullar muntazam o‘tkazib borilmoqda.
Xususan, tumanning “Yambaraq” mahallasida “Mulk huquqlari kafolatlari” aksiyasi doirasida sayyor qabul tashkil etilib, fuqarolarning mulkka oid murojaatlari va muammolari tinglandi. Sayyor qabul davomida 19 nafar fuqaroning murojaatlari huquqiy tushuntirishlar berish orqali joyida hal etildi.
Qabul chog‘ida O‘zbekiston Respublikasining 937-sonli qonuni ijrosi yuzasidan to‘lov xabarnomalari chiqarilib, fuqarolarga yetkazildi. Shuningdek, mulk huquqi e’tirof etilgan fuqarolarga davlat ro‘yxatidan o‘tish tartibi bo‘yicha tushuntirishlar berildi.
Fuqarolarga shuningdek, O‘zbekiston Respublikasi Prezidenti PQ–1 sonli qarori hamda 937-sonli Qonun mazmun-mohiyati yuzasidan keng tushuntirishlar berildi.