Farg‘ona tumani hokimligi

Farg‘ona tumani hokimi o‘rinbosari Akbarjon Axrorov “Shenglong Electric Group Power Engineering Co., LTD” korxonasiga ishchi tashrif bilan bordi. Mazkur tashrif tuman hududida sanoat va energetika sohasini yanada rivojlantirish, ilg‘or xorijiy tajribalarni joriy etish hamda ishlab chiqarish salohiyatini oshirishga qaratildi.

Tashrif davomida hokim o‘rinbosari korxonaning elektr uzatish va tarqatish uskunalari, aqlli energiya tizimlari hamda EPC xizmatlari yo‘nalishida olib borilayotgan ishlab chiqarish jarayonlari bilan yaqindan tanishdi. Korxonaning global miqyosdagi energiya loyihalaridagi ishtiroki, shuningdek zamonaviy texnologiyalar asosida yuqori sifatli mahsulotlar ishlab chiqarishga qaratilgan faoliyati alohida e’tirof etildi.

Uchrashuv chog‘ida korxona rahbariyati bilan ishchi jarayonlarni yanada takomillashtirish, innovatsion texnologiyalarni keng joriy etish, mahalliy ishchi kuchini qo‘llab-quvvatlash hamda yangi ish o‘rinlarini yaratish masalalari muhokama qilindi. Shuningdek, ishlab chiqarish hajmini oshirish, eksport salohiyatini kengaytirish va o‘zaro manfaatli hamkorlikni rivojlantirish bo‘yicha qator taklif va tavsiyalar bildirildi.

Mazkur ishchi tashrif hududda sanoatni modernizatsiya qilish, investitsiyaviy muhitni yaxshilash va barqaror iqtisodiy rivojlanishni ta’minlash yo‘lidagi muhim qadam sifatida baholandi.