Onlayn ro‘yxatdan o‘tgan fuqarolar sovg‘alar bilan taqdirlanmoqda
2026-01-26 15:00:00 / Yangiliklar
O‘zbekiston Respublikasi Milliy statistika qo‘mitasi tomonidan aholi va qishloq xo‘jaligini ro‘yxatga olish tadbiri doirasida onlayn ro‘yxatdan o‘tgan fuqarolar o‘rtasida tasodifiy tanlash (random) usuli orqali sovg‘alar topshirilishi e’lon qilingan edi. Mazkur tashabbus doirasida birinchi sovrindorlar aniqlandi.
Xususan, Farg‘ona viloyati, Farg‘ona tumanida istiqomat qiluvchi fuqaro Xaydarova Tamannoxon Avazxonovna tashakkurnoma hamda planshet qurilmasi bilan taqdirlandi. Ushbu rag‘batlantirish tadbiri fuqarolarning ro‘yxatga olish jarayonida faol ishtirokini ta’minlash, statistik ma’lumotlarning to‘liqligi va ishonchliligini oshirishga xizmat qilmoqda.
Aholi va qishloq xo‘jaligini ro‘yxatga olish tadbirida onlayn ishtirok etish imkoniyati davom etmoqda. Fuqarolarni faol bo‘lishga chorlagan holda, ro‘yxatdan o‘tgan ishtirokchilar o‘rtasida sovg‘alar o‘ynalishi bosqichma-bosqich amalga oshiriladi.
Ro‘yxatdan o‘ting va sovg‘alar sohibiga aylaning.