Farg‘ona tumanida Oila va xotin-qizlar bo‘limining 2025-yil yakunlari sarhisob qilindi
2026-01-17 14:00:00 / Yangiliklar
Farg‘ona tumani Oila va xotin-qizlar bo‘limi tomonidan 2025-yil davomida amalga oshirilgan ishlar yuzasidan hisobot yig‘ilishi o‘tkazildi. Yig‘ilish tuman hokimi o‘rinbosari, bo‘lim boshlig‘i Xamidaxon Abduganiyeva raisligida tashkil etildi.
Hisobot yig‘ilishida hamkor tashkilotlar vakillari, mahalla xotin-qizlar faollari hamda Oqila ayollar yetakchilari ishtirok etdilar. Kun tartibiga muvofiq, 2025-yil davomida oilalarni mustahkamlash, xotin-qizlarni qo‘llab-quvvatlash, ijtimoiy himoya, huquqbuzarlik va jinoyatchilikning oldini olish yo‘nalishlarida amalga oshirilgan ishlar atroflicha muhokama qilindi.
Yig‘ilish davomida yil davomida faol va samarali mehnat qilgan xodimlar Farg‘ona tumani hokimligining tashakkurnomalari bilan taqdirlandi. Shu bilan birga, o‘z xizmat vazifalariga sustkashlik bilan yondashgan, oilaviy ajrimlarning oldini olish, jinoyatchilik profilaktikasi va boshqa muhim yo‘nalishlarda yetarli faollik ko‘rsatmagan xodimlarga nisbatan belgilangan tartibda intizomiy choralar qo‘llash masalalari belgilab olindi.
Hisobot yig‘ilishida, shuningdek, 2026-yilga mo‘ljallangan ustuvor vazifalar, xotin-qizlar bilan manzilli ishlash, ijtimoiy muammolarni bartaraf etish hamda oilaviy barqarorlikni ta’minlashga qaratilgan chora-tadbirlar yuzasidan aniq vazifalar belgilandi.