“Yangi asr” MFYda qurilish bilan bog‘liq murojaat tezkorlik bilan bartaraf etildi
2026-01-08 18:00:00 / Rasmiy munosabatlar
Fuqarolar tomonidan yo‘llangan Farg‘ona tumani “Yangi asr” mahalla fuqarolar yig‘ini hududida qurilishi davom etayotgan ko‘p qavatli uylarning yerto‘lasida qurilish chiqindilari to‘planib qolganligi, bu holat aholi uchun noqulaylik tug‘dirayotgani hamda bino old qismiga deraza romlari o‘rnatilmagani yuzasidan video murojaat Farg‘ona tuman hokimligi tomonidan nazoratga olindi.
Mazkur murojaat yuzasidan tuman hokimligining tegishli o‘rinbosarlari, mas’ul tashkilot rahbarlari va vakillari ishtirokida joyiga chiqib o‘rganish ishlari olib borildi. O‘rganish jarayonida aniqlangan kamchiliklar shu kunning o‘zidayoq bartaraf etildi: yerto‘ladagi qurilish chiqindilari tozalandi hamda bino old qismiga deraza romlari o‘rnatildi.
Ko‘rilgan tezkor choralar natijasida hudud aholisiga qulay sharoitlar yaratilib, fuqarolar murojaatlariga o‘z vaqtida va samarali munosabat bildirish ta’minlandi.