Qurilish MFYda ichimlik suvi bilan bog‘liq murojaat tezkorlik bilan bartaraf etildi
2026-01-08 18:00:00 / Rasmiy munosabatlar
Farg‘ona tumani “Qurilish” mahalla fuqarolar yig‘ini, Xamsa ko‘chasida yashovchi fuqarolar tomonidan ichimlik suvi ta’minoti yuzasidan yo‘llangan murojaat "Fargʻona suv taʼminoti" A.J.ning Farg‘ona tumani filiali tomonidan tezkor nazoratga olindi.
Murojaat asosida filialning tezkor ishchi guruhi shu kunning o‘zidayoq voqea joyiga chiqib, holatni atroflicha o‘rgandi. O‘rganish jarayonida maxsus texnikalar jalb etilib, nosoz holatga kelgan ichimlik suvi quvurlari ta’mirlandi hamda eskirgan qismlar yangisiga almashtirildi.
Ko‘rilgan choralar natijasida hudud aholisining ichimlik suvi bilan bog‘liq muammosi bartaraf etilib, suv ta’minoti barqarorligi tiklandi. Mazkur ishlar fuqarolar murojaatlariga tezkor va samarali munosabat bildirish amaliyotining yana bir namunasi bo‘ldi.