“Oqbilol” suv ombori atrofida turizm markazi tashkil etish masalalari muhokama qilindi
2025-12-18 11:00:00 / Yangiliklar
Farg‘ona tumani hokimi Xamidullo Inomov, hokimning birinchi o‘rinbosari Otabek Abduraximov hamda Mahallalar uyushmasi rahbari Diyorbek Xomidov ishtirokida “Oqbilol” mahalla fuqarolar yig‘ini hududida joylashgan “Oqbilol” suv ombori atrofida turizm markazi tashkil etish masalalariga bag‘ishlangan muhokama bo‘lib o‘tdi.
Uchrashuv davomida mazkur hududning tabiiy salohiyatidan samarali foydalanish, ichki va tashqi turizmni rivojlantirish, zamonaviy infratuzilma yaratish hamda sayyohlar uchun qulay sharoitlar barpo etish masalalari atroflicha ko‘rib chiqildi. Shuningdek, suv ombori atrofida investitsiya loyihalarini amalga oshirish, xususiy tadbirkorlik subyektlarini jalb etish va yangi ish o‘rinlari yaratish bo‘yicha takliflar muhokama qilindi.
Muhokama yakunida tegishli mas’ullarga hududni kompleks rivojlantirish bo‘yicha aniq vazifalar belgilab berilib, investitsiya loyihalarini bosqichma-bosqich ishga tushirish, ekologik muvozanatni saqlagan holda turizm salohiyatini oshirish zarurligi ta’kidlandi.