Fargʻona tumanida “Ayollar daftari”dagi xotin-qizlarga tikuv mashinalari topshirildi
2025-12-13 08:00:00 / Yangiliklar
Fargʻona tumanida “Ayollar daftari”ning 1-toifasida roʻyhatda turuvchi 77 nafar ayollarga jamgʻarma mablagʻlari hisobidan tikuv mashinalari topshirildi. Ushbu tadbir tuman hokimligi binosida oʻtkazilib, xotin-qizlar bandligini taʼminlash va ularni tadbirkorlikka keng jalb etish maqsadida amalga oshirildi.
Tadbir davomida Farg‘ona tuman hokimi o‘rinbosari – Oila va xotin-qizlar bo‘limi boshlig‘i Xamidaxon Abduganiyeva o‘z nutqida, Davlat rahbari tomonidan amalga oshirilayotgan keng ko‘lamli islohotlar natijasida ayollar uchun yaratilayotgan imkoniyatlar, qoʻllab-quvvatlash mexanizmlari va yengilliklar haqida to‘xtalib o‘tdi.
Berilayotgan tikuv mashinalari ayollar uchun nafaqat qoʻshimcha daromad manbai, balki o‘z hayot yo‘lini shakllantirish, kasb egallash, xizmat ko‘rsatish orqali oila daromadini oshirishga xizmat qiladi. Shuningdek, bu jarayon mahalladagi boshqa xotin-qizlarning ham bandligini ta’minlashga yordam berishi mumkinligi qayd etildi.